Primer episodiu de la nueva temporada ximielguera, nel qu'entamamos repasando les novedaes de la mesma, presentamos el nuevu ciclu de Pinchaes Ximielgatives y brindamos un merecíu homenaxe a Derrick Harriott, quien nos dexaba esti fin de selmana.
Too ello al son de música (principalmente en vinilu) de Desmond Dekker, The Skatalites, Lynn Taitt, Jimmy London, Derrick Harriott y The Crystalites.
Nel segundu bloque d'esti capitulu lleva la batuta Caveman quien fae un repasu del so branu festivaleru, aportando una prestosa crónica de festivales y folixes en Austria y el Norte de Italia, incluyendo una entrevista a ún de los programadores d'un d'estos eventos. Como non, aprovechamos pa sintir reggae bass music de Dreadlions, Mista Wicked, Piya Zawa, Clinton Senior, Jman, Danubian Dub, Wicked & Bonny, Conny Superior y Kali Green.
Pa finar, un poco de música fresco con novedubs de Mango Wood, de quienes presentamos el so nuevu LP "Rock your soul" y el nuevu single especial Samhain de NineMille Sound System, entitulau "Akelarre"
No hay comentarios:
Publicar un comentario