L’alconrdanza encesa. LLETRA:
Va pasando’l tiempu y perdemos pel camín
a munches de les nuestres y otres queden por vinir.
La güestia nun perdona y ronda per equí.
Pel día o pela nueche el final nun tien fin.
Celebrar l’allegría, la vida y l’amistá,
l'orbayu, la salitre y l’aire les castañes.
Celebrar l’amor, la compañía y la soledá,
el brillu los tos güeyos, y el tactu les tos manes.
Polos nuestros muertos siguimos depiés.
L'alcordanza encesa caltenéis
Cola tiesta irguía, y nes nuestres coraes,
siempre ente nós alitaréis.
Los tragos son amargos pero vamos brindar
polos buenos momentos y los que tan por llegar.
Polos nuestros muertos siguimos depiés.
L'alcordanza encesa caltenéis
Cola tiesta irguía, y nes nuestres coraes,
siempre ente nós alitaréis.
Presentes siempre presentes.
La madre presente, el padre presente.
Presente l’hermanu, la hermana, los güelos
Presente l’amigu, l’amiga,
Presentes los echaos al monte.
Les que nunca callaron.
Presentes les que fendieron cadenes.
Presente l’amor de la to vida.
Presente la muerte, pero más presente la vida.
Polos nuestros muertos siguimos depiés.
L'alcordanza encesa caltenéis.
Cola tiesta irguía, y nes nuestres coraes,
siempre ente nós alitaréis.
Creditos canción: “L’alcordanza encesa”
Música y lletra: La Tarrancha.
Grabao y masterizao: Tutu Estudios por Sergio Rodriguez. 2026.
VIDIO: Leti Cienfuegos sobre una idea de Delfín Valdés.
Edición y postprodución: Leti Cienfuegos y Tomás Castelao.
Cámares: Leti Cienfuegos y Tomás Castelao.
No hay comentarios:
Publicar un comentario