Esti capitulu entamamoslu pinchando varios 7 pulgaes, el primer en honor a Nelson Mandela de Studio One pa siguir cellebrando el cumple de Coxsone Dodd, otru ye una novedá del sellu Pantx Records que presenta la primer referencia de Arratians y pa finar la ronda un canciu d'otru siete reciente de los madrileños Mango Wood col que aprovechamos pa encamentavos a ver el reciente documental qu'asoleyaron.
Pa siguir la primera entrevista del programa con Pablo y Maroto de Ghost Town Weekend y sones de les bandes participantes Euskatalites, Les Testarudes y Early Wine.
Na recta final d'esti episodiu sintimos el reciente llanzamientu del primer cenciellu del nuevu album de Matah xunto a La Panchita Records, una entrevista na torna de Caveman a les ondes con Irie Nanara na que ximielgamos al calor del canciu que la xixonesa fizo con Roll & Records y pa pesllar el programa otra novedub más del sellu frances Irie Ites coles voces de Queen Omega, Chezidek y U Brown.
No hay comentarios:
Publicar un comentario