Sonadía. T.1 Cap. 11

Esti domingu en Sonadía, el viaxe musical que nos tienen preparáu Mar y Alicia Álvarez va llevanos a transitar pela canción asturiana, el pop, el rap y rock esperimental n’asturianu.

Silvia Quesada y Alfredo González comparten carrera musical y proyectos por separao. En Sonadía van falanos del proyectu nuevu onde trabayen xuntos buscando soníos variaos. La idea de Quesada y González ye volver a temes más de raigañu y acústicos, que ye d’onde vien Silvia. ‘Prefiero ver llover’ va ser ún de los temes que van interpretar nel programa.

Mateo Eraña y su banda tán terminando de grabar el so primer EP. El mozu xixonés ye quién a colgar el lletreru de sould out nos conciertos que ta faciendo. La so idea y la de la so banda ye siguir medrando profesional y personalmente, nesti percorríu musical que nun fixo más qu’empezar. Nel programa vamos sentir temes como ‘Amor al aire’.

Muyer y rapera, nel nuestru percorríu selmanal vamos atopanos con Guaja D. Esta Mc asturiana ye la demostración clara de que les muyeres nesti terrén cada vez son más y tienen muncho que cuntar. Con Guaja D. vamos descubrir otra manera d’entender, sentir y disfrutar de la música. Ente los temes que va interpretar ta ‘Cerda’.

Terminamos el nuestru percorríu musical con Melandru. Lo de so ye rock esperimental con elementos tradicionales, como les lletres n’asturianu y la gaita. Los sos temes son conversaciones, descripciones de paisaxes sonoros y influyencies d’anime que pueden durar más de 6 minutos.

Sonadía. T.1 Cap. 11