Nesti episodiu ximielgueru entamamos falando de los hermanos Stewart (Tinga y Roman) de los que pinchamos varios cancios en conxuntu y solitario. Incluyendo l'adelantu n'exclusiva de lo nuevo de Thompson Sound y Lone Ark con Roman Stewart como protagonista.
Y siguiendo colos llazos de sangre, aprovechamos pa poner un temazu de Hortense Ellis, acompañando un testu biográficu espublizau nes redes sociales de la nuesa euskofamilia de Pantx Records.
Pa finar, facemos recordatoriu de los conciertos de Mango Wood e Iseo & Dodosound dientro la programación del Gijón Sound Festival y tamién de la postfolixa ximielguera qu'entamamos en Tizón Sound (con temazu de Cocoa Tea incluyíu) y anunciamos la fecha del especial de los 100 episodios de Ximiélgalo Radio Show el viniente martes 7 de mayu.
No hay comentarios:
Publicar un comentario