El Conseyu de la Mocedá de Xixón (CMX) convoca y organiza’l PRIMER CONCURSU DE BATALLES DE CANCIONES N’ASTURIANU (2025) cola collaboración de HHopcast y la Oficina de Normalización Llingüística de Xixón.
Les presentes bases van regular la competición “Batalla de Canciones” que va desendolcase’l 14 de xunu del 2025 a partir de les 16:00 hores de la tarde (independientemente del númberu de competidores), como parte del programa participativu d’actividaes del CMPA, y col oxetivu de dar rempuesta a los intereses de la mocedá asturiana asturfalante.
Participantes: Va poder participar cualesquier persona moza con edaes comprendíes ente los 14 y los 35 años. Los y les MC's que participen han de tener preparaes un mínimu de trés canciones propies.
Premiu. La persona ganadora va recibir como premiu la cuantía de 300€ y la distribución dixital de Musicasturiana; el segundu/a clasificáu/ada va recibir un premiu económicu de 200€ y un productu de la marca patrocinadora Puru Remangu; por últimu, el/la tercer premiáu/ada va recibir un premiu económicu de 100€.
No hay comentarios:
Publicar un comentario