Primer episodiu ximielgueru de payares qu'entamamos con un cenciellu de The Jamaicans. Pa siguir esfrutamos de la estalla "Version di Version" na que Caveman trae 2 covers de Prince Buster versioneando un par de hits de Soul.
Pa siguir más música en vinilu del sellu de Buster Blue Beat con un ska de Eric Monty Morris, otru de John Holt al estilu soul xamaicanu, un roots reggae de Gregory Isaacs y un temazu de Meditations pa pesllar la esbilla plastiquera.
Dempués facemos un especial de grupos valencianos con sones de La Fricativa Sonora con Payoh Soul Rebel, Suppa Bassie y The Dance Crashers pa mandayos munchu puxu a toa esa xente que sufrio esi desastre y políticu climáticu de la DANA.
Y enantes de pesllar la persiana, novedubs de Time to Roots Records con Beñaranks y de Dubstone Records xunto a la nuesa hermanina Irie Nanara.
No hay comentarios:
Publicar un comentario